नवरा आणी बायको

आमचे मित्रवर्य पोहनेरकर सरांनी आत्ताच लिहिलेली 

" नवरा आणि बायको " 
-------------------------

देव असं का करतो 
तेच मला कळत नाही 
नवरा आणि बायकोच 
का बरं मत जुळत नाही 

नवऱ्याला जो रंग आवडतो 
तो बायकोला आवडत नसतो 
बायको असते चटपटीत
तर नवरा गबाळ्यावनी दिसतो 

त्याने साधा शर्ट घातला 
की ती म्हणते टी शर्ट घाला 
हा सांगतो आल्याचा चहा 
ती म्हणते कोका-कोला 

ती म्हणते भावगीत 
तर हा म्हणतो गझल 
ती करते ' एक घाव दोन टुकडे '
हा नेहमीच  puzzle 

त्याला लागतं face book 
ती म्हणते book 
हा म्हणतो " बुंग "
ती म्हणते ' झुक झुक '

तो म्हणतो  " आई गं "
ती म्हणते चूप 
हा मागतो ताक 
ती म्हणते सूप 

काही काही नवरा-बायको 
नेहमी भांडत असतात 
तरी बरं यांच्या " पत्रिका "
जुळालेल्या  असतात 

गरीब असो श्रीमंत असो 
हीच असते  कथा 
तो म्हणतो ' दुःख '
ती म्हणते ' व्यथा '

नवरा आणि बायको म्हणजे 
अफलातून जोडी 
कोणी म्हणतं " बेडी "
अन कोणी मानतं " गोडी "

प्रा, विजय पोहनेरकर .
9420929389
औरंगाबाद , 11/7/2016.