" टूर वरून आल्यावर "

[10/07 4:03 PM]  : " टूर वरून आल्यावर "
------------------------

टूर संपत आला आता 
आपले गाव येईल 
उद्या पासून पहिल्या सारखे 
रुटीन सुरु होईल 

भाजी चिरा ,स्वयंपाक करा 
पाणी सुद्धा भरा 
चीड चीड न करता 
नौकरी , व्यवसाय करा 

चार पैसे मिळवण्यासाठी 
कष्ट करावेच लागतील 
पोटाचे आणि जिभेचे 
तरच चोचले भागतील 

टूर वरून आल्यामुळे 
उत्साह वाढेल 
फिरून पुन्हा कामावर 
मन आपलं जडेल 

शीण जावा , ताण जावा 
म्हणून टूर असते 
आपलं घर आपल्याला 
मंदिरावनी भासते 

काय होतं कळत नाही 
उभारी येते कुठून 
हिंडल्यामुळे , फिरल्यामुळे 
दुःख जातं गोठून 

निसर्गाच्या सानिध्यात 
मन होतं हलकं 
काळजातल्या कपारीतलं
दुःख होतं हलकं 

अधून मधून वेळ काढून
टूर काढली पाहिजे 
जगण्या बद्दल माणसाची 
उमेद वाढली पाहिजे 

धनरेषा वाढवताना 
आयुष्याकडे लक्ष द्यावं 
दऱ्या खोर्यात पाना फुलात 
निसर्गाचं गीत गावं

टूर वरून आल्यावर 
शहाण्या सारखं वागायचं 
आळस झटकून मस्त पैकी
कामाला लागायचं 

प्रा. विजय पोहनेरकर 9420929389
        

                   : " कटाक्ष "
-----------------------

गुरूजी मला देता का 
एखादा " रुद्राक्ष  "
रोज रोज मला छळतात
बायकोचे " कटाक्ष "

वेगवेगळ्या कटाक्ष्याचे
वेगवेगळे अर्थ 
नवरा कितीही हुशार असो 
सारं काही व्यर्थ 

कधी तिचा कटाक्ष म्हणतो 
नवरा माझा मूर्ख 
कितीही  सांगितलं तरी 
वागतो येड्या सारखं 

एखाद्याला आहेर करतांना 
डोळे इंगळे पिंगळे 
कटाक्षातून मला म्हणते 
चिकट काळे मुंगळे 

एक एक कटाक्ष तिचा 
काळजात बसतो रुतून 
गुरुजी तुम्ही भेटलात म्हणजे  
रडा वाटतं आतून 

हल्ली तिच्या कटाक्ष्यानी 
खूप घायाळ होतो 
खूप काही करायचय पण 
कोलमडून जातो 

घाबरू नकोस वत्सा तुला 
मी औषध देईन 
त्या आगोदर तुझ्या बायकोचं
म्हणणं ऐकूण घेईन 

गुरुजी मी खरं सांगते 
खोटं बोलणार नाही 
या " बॉ " च घरामधे 
बिलकुल लक्ष नाही 

नेहमी नेहमी पार्ट्या 
अन तसेच त्यांचे दोस्त 
खायला प्यायला पुढे 
अन काम म्हणलं की सुस्त 

शपथ तुम्हाला सांगते गुरूजी 
माझं ऐकत नाहीत 
कुठं  जातेत ? काय करतेत ?
काहीच सांगत नाहीत 

अहो गुरुजी मला सुद्धा 
प्रेमळ " कटाक्ष " येतो 
पण काय सांगू ' हा माणूस '
माझाच सूड घेतो 

त्यांच्या तब्यती मुळेच 
मी " बंधनं " घालते 
तर मला म्हणतेत उंटा सारखं
तूच तिरपी चालते 

तुम्हीच सांगा गुरुजी यात 
माझं काही चुकत का ?
बायको शिवाय कुणाच्या 
काळजात कधी दुखतं का ?

गुरुजी म्हणले खरंय तुमचं 
एकमेकाला समजून घ्या 
रागीट कटाक्ष टाकताना 
एखादा " प्रेमळ " असू  द्या 

पोरं सोरं लग्नाला आलीत 
घरात लक्ष देत जा 
रुद्राक्ष्याची गरज नाही 
फक्त  प्रेम करत जा 

नवरा बायकोचं भाडंण म्हणजे 
लाडिक , प्रेमळ तक्रारी 
काळजी पोटी भरलेल्या 
शब्दांच्या पिचकारी 

प्रा. विजय पोहनेरकर 
9420929389 
औरंगाबाद , 11/7/2016.
  

        " ट्रिप मधल्या आठवणी "
------------------------

ट्रिप मधल्या गंमती जंमती
अजूनही आठवतात 
मनातल्या मना मधे 
पुन्हा पुन्हा हसवतात 

आल्या आल्या मानेवर 
जु बसलं कामाचं 
छान छान खाऊ घातलं 
मन मोठं मामाचं 

किती बोललो किती हसलो 
सारं सारं आठवतंय 
मन मात्र पुन्हा पुन्हा 
बीच वरच घुटमळतंय 

भेंड्या काय उखाणे काय 
खूप केली मस्ती 
घाटातल्या धबधब्याशी
कशी केलती दोस्ती 

वय , हुद्दा सारं विसरून 
सुटले होते सैराट 
चार दिवस मज्जा केली 
झिंग झिंग झिंगाट 

हल्ली आता कोणत्याच स्त्रीला 
माहेरपण राहिलं नाही 
चोवीस तास काम काम 
बायकोला निवांत पाहिलं नाही 

खर्च जरी झाला जास्त 
तरीही फिरायला जात जा 
वेळ काढून बायको साठी 
प्रेमगीत गात जा 

गप्पा गोष्टी मजा करून 
माणूस जेंव्हा हसत असतो 
डायबीटीज अन बी पी सुद्धा 
एकदम normal रहात असतो 

problems तर असतातच 
तरी आनंद लुटत जा 
अधून मधून सारे मिळून 
अशीच trip काढत जा 

प्रा. विजय पोहनेरकर 
9420929389 
14/7/2016.
[15/07 



   " जगण्याची नांदी पांडुरंग "
------------------------

कटेवरी कर 
कपाळी चंदन 
प्रथम वंदन 
पांडुरंगा      ll

शोभतसे गळा 
माळ तुळशीची 
काळजी विश्वाची 
पांडुरंगा         ll

गोर गरिबांचा 
हाच तो कैवारी
येती वारकरी 
पांडुरंगा         ll

उपाशी तापाशी 
धाऊनिया येती 
मुखा वाटे गाती 
पांडुरंग           ll


पाहुनिया मुख 
शीण जातो देवा 
म्हणोनिया धावा 
पांडुरंगा          ll

नाही देत देव 
सोने नाणे चांदी 
जगण्याची नांदी 
पांडुरंग           ll

वाटते आतून 
भेटोनिया यावे 
कोडे सोडवावे 
पांडुरंगा          ll 

तुझे आणि माझे 
नाते तरी काय 
लेकराची माय 
पांडुरंग           ll

प्रा.विजय पोहनेरकर 
9420929389
15/7/2016./ आषाढी
[15/07 


   " स्वर्ग सुख   "
-----------------------

आषाढी कार्तिकी 
भक्तांचा हो मेळा 
साधू संत गोळा 
विठुसाठी       ll

पंढरीसी जाता 
कुणा काय मिळे 
ज्याचे त्याला कळे
पांडुरंगा           ll

लाखोजण येती 
विठ्ठला बोलती 
जाताना दिसती 
समाधानी         ll 

अरे बा विठ्ठला 
कमाल तुझीच 
तक्रार कधीच 
केली नाही       ll

येता दोघे चौघे 
आम्ही परेशान 
करी भनभन 
सदोदित        ll 

पंढरी सोडता 
आम्ही काय घ्यावे 
सोबतीला न्यावे 
काय काय       ll


दया ,क्षमा, शांती 
सोबतीला न्यावी 
जगून पहावी 
एक ओवी        ll

कधीच कुणाचा 
करू नये द्वेष 
करा जयघोष 
विठ्ठलाचा       ll

तुकोबाची गाथा 
आणि ज्ञानेश्वरी 
ठेवा घरोघरी 
जपोनिया        ll

हाच एक आहे 
कल्याणाचा मार्ग 
ओवी ओवी स्वर्ग 
सुख आहे         ll

प्रा.विजय पोहनेरकर 
9420929389
15/7/2016.औरंगाबाद.