ll जोगवा वृक्षासाठी ll -प्रा पोहनेरकर

      ll जोगवा  वृक्षासाठी ll 
--------------

जीव लावा हो लावा हो लावा हो झाडाला 
पाणी येइंनं नदीला ,आडाला  ll धृ ll 

अख्ख्या गावात गावात 
हिरवळ होईल 
गाय वासराला वासराला 
चारा हो होईल 
दूध,दही,तूप मिळल खायाला 
जीव लावा हो लावा हो लावा हो झाडाला  ........ll 1 ll

नदी धरणा धरणात पाणी हो येईल 
पीक पाहून पाहून मन हो गाईल 
संबळ वाजलंकी जाऊ नाचायाला 
जीव लावा हो लावा हो लावा हो झाडाला .....ll 2 ll

सुख नांदल नांदल सारयांच्या  घरात 
मांडव सजल सजल गरीबाच्या दारात 
लेक निघल सासरी जायाला 
जीव लावा हो लावा हो लावा हो झाडाला .......ll 3 ll

कोणी झोपणार झोपणार नाही हो उपाशी 
खातील पोटाला पोटाला चांगल्या तुपाशी 
बाळसं येईल लहानाला मोठ्याला 
जीव लावा हो लावा हो लावा हो झाडाला .....ll 4 ll

नाही पडणार पडणार पुन्हा पुन्हा दुष्काळ 
नाही होणार होणार पांढरं कपाळ 
नाही जाणार बळीराजा फाशीला 
जीव लावा हो लावा हो लावा हो झाडाला .......ll 5 ll

प्रा.विजय पोहनेरकर 
9420929389
औरंगाबाद, 2/7/2016.
  



 गालफुगी "
------------------------

हे पहा ,
नवरा बायकोतली भांडणं 
सिरियसली घ्यायची नसतात
दुपारी तुंबून बसतात 
अन रात्री खुदू खुदू हसतात 

नवरा आणि बायको 
स्वतंत्र व्यक्तिमत्व आहेत 
म्हणून त्यां दोघांना 
वेगवेगळी मतं आहेत 

वाद विवाद होतो म्हणजे 
नेमकं काय होतं
एका गोष्टीवर दोघांचं 
वेगवेगळं मत असतं 

याला वाटतं तिची चूक आहे 
तिला वाटतं याची चूक आहे 
भांडण आणि प्रेम मात्र
दोघांचीही भूक आहे 

संसारात अधून-मधून 
" गालफुगी " होणारच 
कधी याच्या कधी तिच्या 
अंगामधे येणारच !

फाटोस्तर ओढायचं नाही 
एकदम शांत राहायचं 
जोडीदार गोडीत दिसला की 
हॉटेलात जेवायला जायचं

नवरा आरोपी असला की 
बायकोनं न्यायधीश व्हायचं
बायको आरोपी असली की 
नवर्यानं न्यायधीश व्हायचं

निकाल दिल्यानंतर मात्र 
डोळ्यात येऊ ने पाणी 
तिनं म्हणावं  " राजा "
आणि यानी म्हणावं राणी 

तुला ही साडी छान दिसते
म्हणन काय बिघडतं 
कधी कधी नवरटलंही
वेडयावनीच करतं 

नेहमीच चर चर बोलू ने 
बायकोला नसतं कळत 
थोडं जोरात बोललं की 
बसते पाणी गाळत 

छुटुपुटूच्या लढाया असतात 
वरच्या कोर्टात नेऊ ने 
नवरा बायकोनं मजेत रहावं
अंतर कुणाला देऊ ने 

प्रा. विजय पोहनेरकर 
9420929389
औरंगाबाद, 3/7/2016.

   
     

               " गालफुगी "
------------------------

हे पहा ,
नवरा बायकोतली भांडणं सिरियसली घ्यायची नसतात
ते दुपारी तुंबून बसतात 
अन रात्री खुदू खुदू हसतात 

नवरा आणि बायको 
स्वतंत्र व्यक्तिमत्व आहेत 
म्हणून त्यां दोघांना 
वेगवेगळी मतं आहेत 

वाद विवाद होतो म्हणजे 
नेमकं काय होतं
एका गोष्टीवर दोघांचं 
वेगवेगळं मत असतं 

याला वाटतं तिची चूक आहे 
तिला वाटतं याची चूक आहे 
भांडण आणि प्रेम मात्र
दोघांचीही भूक आहे 

संसारात अधून-मधून 
" गालफुगी " होणारच 
कधी याच्या कधी तिच्या 
अंगामधे येणारच 

फाटोस्तर ओढायचं नाही 
एकदम शांत राहायचं 
जोडीदार गोडीत दिसला की 
की हॉटेलात जेवायचं 

नवरा आरोपी असला की 
बायकोनं न्यायधीश व्हायचं
बायको आरोपी असली की 
नवर्यानं न्यायधीश व्हायचं

निकाल दिल्यानंतर मात्र 
डोळ्यात येऊ ने पाणी 
तिनं म्हणावं राजा 
आणि यानी म्हणावं राणी 

तुला ही साडी छान दिसते
म्हणन काय बिघडतं 
कधी कधी नवरटलं
वेडयावनीच करतं 

चर चर बोलू ने 
बायकोला नसतं कळत 
थोडं जोरात बोललं की 
बसते पाणी गाळत 

छुटुपुटूच्या लढाया असतात 
वरच्या कोर्टात नेऊ ने 
नवरा बायकोनं मजेत रहावं
अंतर कुणाला देऊ ने 

प्रा. विजय पोहनेरकर 
9420929389
औरंगाबाद, 3/7/2016.


" गोवा टूर "
-----------------------

काय सांगावं  बाई 
नुस्ता डोक्याला ताण झालाय
अन कधी नाही ते आमचा 
गोव्याला टूर चाललाय  

अगं मी फक्त यानला
एवढंच म्हणलं 
तर या बॉनं 
असं तोंड केलं 


फक्त लोळू नका 
बॅगा लवकर भरा 
सारखं झोपू नका 
थोडं कमी घोरा 

मी बोलते म्हणून 
माझं तोंड दिसतं 
हे आळशी माणूस 
नुसतं ढिगलावनी बसतं 

चटपटीत पणा तर 
अजिबात नाही 
आपण कितीही बोला 
काही फरक नाही 

अशात तर चोवीस तास 
Whats app वर असतेत 
बोलून बोलून माझं थोबाड दुखायलय 
नुसतं घुबडा सारखं बघतेत 

अगं बाई आमचं तर माणूस
नुसतं हिंडकटोर 
वण वण फिरत राहातेत 
कानकाप्या कुत्र्या सारखं 

घरचं एकही काम करत नाहीत 
जिथं तिथं मलाच मरावं लागतं 

बाकिलोकांच्या बॅगा भरून झाल्या 
आमचं कधी आवरावं कोणासठाऊक ?

दारात गाडी आल्यावरही 
हे माणूस काय mobile च खेळत राहतं 
का गोव्याला जातं 
देवच जाणे ?

प्रा. विजय पोहनेरकर 
9420929389 
औरंगाबाद , 3/7/2016.


 गोवा जा रहें है "
-----------------------

जिंदगी जिने की 
कोशिश कर रहे है 
दो दिन के लिये हम
गोवा जा रहे है  l

मीनल दीदी ने प्रस्ताव रख्खा
वासंती दीदी , अंजु  हां बोली 
योगिनी ,आशा , बाबी ने कहा
मैं भी निकली  l

विजू ,अगस्ती,सुनील के साथ
दीपक और संजय आ रहे है
दो दिन के लिये हम 
गोवा जा रहें है  l

गप छप करेंगे 
और गानाभी गायेंगे 
जीवन की थैली में
खुशिया भरेंगे 
पेट भरने के लिये रोज काम कर रहे है 
दो दिन के लिये हम गोवा ...


बीच पे जायेंगे 
गायेंगे , नाचेंगे 
मखमली रेत पर 
नंगे पैर घुमँगे 

सागर की लहरोंको 
बातें करेंगे 
सुख और दुःख को 
गाते रहेंगे 

क्या करना कौन कितना
कम रहें है 
दो दिन के लिये हम
गोवा जा रहें है  l

सतीश,अरुण,प्रज्ञा, सीमा
नहीं आ रहें है 
इसलिये सबजन 
दुखी हो रहें है   
इस गम को हम थोडा 
छिपा रहें है 
दो दिन के लिये हम 
गोवा जा रहें है l


प्रा.विजय पोहनेरकर 
9420929389
5/7/2016.


" मना सारखं जगायला हवं "
-------------------------

नव्याने आयुष्याकडे 
बघायला हवं 
आपण आपल्या  मनासारखं 
जगायला हवं 

पन्नाशीच्या जवळपास 
जेंव्हा दोघे  येतात 
प्रापंचिक जवाबदारीतून 
थोडे मुक्त होतात 

शिकून सवरुन पोरं आता 
झालीत थोडी मोठी 
मित्र आणि मैत्रिणींच्या 
घेतात गाठी भेटी 

त्यांना थोडं मनासारखं 
वागू द्यायला हवं 
आपण आपल्या मनासारखं 
जगायला हवं 

मनासारखं जगणं म्हणजे 
स्वैराचार नाही 
याचा अर्थ असा नाही की 
कुणाचाच विचार नाही 

सगळ्यांच सगळं करतांना 
एकमेंकालाही जपावं 
काम थोडं बाजूला ठेऊन 
गप्पा मारत हसावं 

नवीन लग्न झाल्यावर तर 
हिंडून फिरून आलंच पाहिजे 
दोन लेकरं झाल्यावरही 
" हनिमूनला " गेलं पाहिजे 

संसारातला " Honey "
कधीही कमी होऊ ने 
नवरा आणि बायकोनं 
एकमेकाला अंतर देऊ ने 

आता आपलं काय राहिलं ?
कशासाठी कन्हायचं ?
" ओ मेरी जोहरा जुबी "
हेचं गाणं म्हणायचं ...

पुन्हा पुन्हा नवीन काही 
करायला हवं 
आपण आपल्या मनासारखं 
जगायला हवं 

केसं पांढरे झाले तरी 
पावसात भिजा वाटलं पाहिजे 
सुरकुत्या पडल्या तरी 
"फेशियल"करून नटलं पाहिजे 

एकात भेळ खातांना 
बघितलं तर बघितलं 
'कवळी' घातल्यावर सिनेमा पाहुने 
हे कुणी सांगितलं ?

तिच्यासाठी गजरा आणला 
कोणतं पाप केलं 
प्रेम करायचं नव्हतं 
तर लग्न कशाला केलं ?

विनाकारण नावं ठेवणं 
हे जगाचं कामच असतं 
प्रेमाच्या भावनेला 
म्हातारपण कधीच नसतं 

हौस मौज करत करत 
गुणगुणायला हवं 
आपण आपल्या मनासारखं 
जगायला हवं 

प्रा.विजय पोहनेरकर 
9420929389
औरंगाबाद , 7/7/2016.



            निसर्ग श्रुंगार "
-----------------------

आंबोलीचा घाट 
झालो ओलेचिंब 
पाण्याचे ते थेंब 
धबधब्याचे     ll

अंगावर पाणी 
थेंब गार गार 
निसर्ग शृंगार 
मनोहर          ll

पाहुनिया रूप 
वाहत्या पाण्याचे 
गीत प्रणयाचे 
ओठावरी       ll

अंबोली घाटात 
धबधब्याची रांग 
सखे जरा सांग 
कान गोष्टी     ll

वनराई सांगे 
लुटा रे आनंद 
खावा गुलकंद 
प्रेमभावे      ll

नको आठऊस 
धुणं आणि भांडी 
सांडो प्रेमरस 
क्षणोक्षणी    ll

उधळून टाकू 
सारे अंतरंग 
होऊनिया गुंग 
पूर्णरूप       ll

तालातच गावे 
आयुष्याचे गाणे 
पाहु ने ग उणे 
कोणिकधी    ll

जीवापाड घ्यावी 
दोघांनीं काळजी 
होऊनिया राजी 
सुखासाठी     ll

प्रा. विजय पोहनेरकर 
9420929389
औरंगाबाद, 7/7/2016.