" सखे तुझ्या मनांत काय आहे सांग ? "
-------------------------

या सागरी किनारी 
दिसे माडांची रांग 
सखे तुझ्या मनां मधे 
काय आहे सांग  ?  ll धृ ll

मऊ मऊ वाळूत 
ठसे पावलांचे 
गालास येई रंग 
गुलाबी फुलांचे 
वागण्यात बोलण्यात प्रणयाची झिंग 
सखे तुझ्या मनां मधे
काय आहे सांग ......ll 1 ll

खेळतात लाटा 
इथे शिवनापाणी 
ओठांवर येतात 
प्रीतीची गाणी 
अंतरंग भिजवतात 
पाण्याचे थेंब 
सखे तुझ्या मनां मधे 
काय आहे सांग ? ......ll 2 ll

शंख शिंपल्याची 
ही रांगोळी कुणास ?
वारा हासवितो 
तनास-मनास 
निसर्गाच्या तालावर 
होऊ आज दंग 
सखे तुझ्या मनां मधे 
काय आहे सांग ? .....ll 3 ll

हातात घेऊन हात 
सोबतीने चालू 
खोल आंत दडलेले 
सारे गुपित खोलू 
नको होऊ देऊ आता 
एकांताचा भंग 
सखे तुझ्या मना मधे 
काय आहे सांग ?......ll 4 ll


प्रा. विजय पोहनेरकर 
9420929389 
गोवा ,9/7/2016.