'मी '

मी,मी करत
मी मलाच मारले
मी माझ्यात रमत
मी मलाच कुरतडले !

काय'मी' अन मी असा हा , दंभात'मी' ला मिरविले ,
दर्पाने मग 'मी'पणाच्या, इतरे जनांस पळविले !

कि पहावे इतरांत 'मी 'ला,
आरशात रमविले स्वतःला ,
मी मला अन मलाच मी ,
सोबत संगत 'मी'च मला !

माझे गाणे ,माझे तुणतुणे , ऐकणेही माझेच मला
माझे रुसणे, माझे फुगणे , जाणीवही ती नसे कुणाला !!

हाय जिंदगी ! घात झाला,
जिंदा दिलीचा निपा:त केला !
माझे 'मी'पण काळ झाला,
मारून मजला शांत झाला ....

मारूनच आम्हाला शांत झाला !!!!!!!!