मावशी
का महत्व असे ते
मावशी असण्या इतुके
माय मरो तरी चाले ...
आम्ही नसू पोरके!
विना आईचे पोर म्हणवता
डोळे हे पाणावती !
मावशी'च हे रूप असे ते
विश्वास जागविती !
दूर दूर जाताना सोडून
फुटला पाझर मायेला नसे!
हाच असे का तो विश्वास
मायेला या बहिणीमध्ये दिसे !!
माये सांगतो! आस असता ..
जाणीव तव स्पर्शाची
'मावशी'च ती भरून काढी
उणीव त्या कुशीची !
एकुलात्यांचे जग या पुढे
दुर्मिळ मामा मावशी
आम्ही वैभवी मिळे मावशी
समृद्धी प्रेमाची!!
म्हणून म्हण ती ,माय मारो
परी जगो मावशी !
धन्य धन्य हि बाल बापुडी
दचकता गाढ निद्रेतही ती
आये माये न येता तोंडी
मावशी मावशी ओरडती !!!
Subscribe to:
Post Comments (Atom)
No comments:
Post a Comment