पत्याच लगन

वडोद्याला बळीराम्बॉ च्या पत्या च्या लग्नाला गेलतो , बापा बापा
      सकाई 10वाजेच लगीन . सकाई पाच वाजेलाच औरंगाबाद हुन निगलो , तसं बी एक दोन घनटे तर लगीन लागायले लागतेच किनी बॉ !म्हणलं मीयुन जाईन .
    खामगाव नांदुरा खांडवी च्या रोडाणं दरमजल करत पोचलो साडे बाराले वडोद्यात . बिगी बिगी धापा टाकतच एस्टी तुन उडी मारून पयालो , लगन सापडलं तर सापडून जाईन  म्हनलं . ......  तो बैराम बॉ चौकातच  भेटले . दोनी पायावर बसेल , बहुतेक खाली मुंडकं घालून  विडी फुकत बसेल व्हते .
         त्याहिले बोल्लो का लगन लागलं वाटते ?  थ म्हणले नाही न भाऊ . लाईन मन म्हणते दोनाले लाईट देतो . माईक भोंग्या बिगर लगन कसं लावता .
     माया जीव भांड्यात पडला . म्हंजी लगन दोन वाजेपतूर लागे ना . आपण दुरून जाऊन गाठलं .
      पण बॉ इकडं काय करत व्हते चौकात . त्यायच्या घरी मंडप आसन ना . पौने रावळे सोडून बुवा इकडं कुठं !  मायी मनात पाल चुकचुकली . कायी तरी गडबड हाय .
      बिगी बिगी घरी गेलो तो ... कयलं बुवाचे सात का पाच जावाई रुसून बसेल होते , कुनाले मुदी पैजे व्हती त कुनाले सफारी .
   मधले तीन जावई तर अशे रुसले व्हते का त्यायच्या साठी आनेल  पहिल्या धारेची कॅन मास्तरनं लपून थेवल व्हती . गावातलं हे रघु मास्तर  पण फार बिगडेल व्हतं !! आता बुवांच्या घरचं लगीन मास्तर न कायला मदे मदे करा ! बैराम बॉ मास्तरचं सेतावर काम करे , अन पत्याच्या लगनाला कायी मदत बी देल्ली आसन , पन मनुन का कायदे कानून सिकवा का ? बुवाचे सगळं जावई वैतागेल होते कारन  मास्तरन सांगतलं व्हतं का लगन लागल्याबिगर दारू सारू नै ..  तिकडं लाईन मन लाईट देत नोता इकडं मास्तर टाईट हु देत नोता .
          तवा माया ध्यानी आलं का लगन घर सोडून बैराम बॉ चौका मंदी विडी सिलगाऊन का बसेल व्हते !!!
         पत्याच्या लगनाची पंगत जेवलो, मावशीच्या घरूनच वाटी पेला नेलता !  बुवाच्या घराच्या मागल्या गल्लीत पंगत होती बहुदा तिथं जेवलो . लाईन मन च काई मन झालं नई का लवकर लाईन द्यावी . चार वाजोले त्यानं . मायी परत जा ची गाडी साडेतीनाची . दोनशे मैलावरून लग्नाले गेलतो . टायमात गेलतो पन लगन काई लावू शकलो नाई . परत आलो,  हाय कीनी मज्जा ....

- अगस्ती