लाडुबाईस

 परवा तुझे लेकिसोबतचे लहानपणीचे व साखरपुड्याचे असेंफोटो पाहिले.आणि तुझं मन मला माझ्या कवितेत सापडलं.ही कविता खास 

लाडूूबाईस

गुंजे एव्हढा जीव तुझा पानाफुलात रमलेला

आज अचानक कसा मग

आभाळभैरी झालेला

फुलपाखराहून निराळे

आज तुझे हे भिरभिरणे

वाट कोणती फिरून आले

स्वप्न तुझे हे नवेतरणे

आज तुझ्या उर्मीतून उसळे

चैतन्याचे शुद्ध झरे

पंचप्राणातून उभरती

नवोन्मेषाचे शुभ्र तुरे

सालस भोळे गौर कंचनी

रूप तुझे हे लाडूूबाई

गिरकीत तुझिया थिरक नाचरी

नवथर उडण्याची घाई

तुझ्या पुढे आकाश खुले ग

घाल रांगोळी त्या वरती

दहा दिशा तुझ्या सख्या ग

तुझ्या रश्मीने त्या दिपती

       वीणा मालशे अकोला