चंदुमामा स्वतीमामी वाढ दिवस

चंदुमामाला आणि त्याच्या "अग' ला लक्ष लक्ष शुभेच्छा ! दोघांची एकी तर जन्मापासूनच आहे बघा .एकाच तारखेला जन्मले ... त्यात आज शुक्रवार बालाजीच्या प्रसादाच्या गोड शिऱ्यात वाढदिवस साजरा होणार ,सेलिब्रेशन !


        आम्हा चौघा भावंडांना मामा म्हणजे चंदुमामा .कारण आम्हाला कळायला लागले तेव्हा पहिला मामा भेटला तो हाच .बोरगाव मंजुला हेरंबाच्या जन्माच्या वर्षी मामाचे शिक्षणा साठी का आईच्या मदतीसाठी असेल कदाचित आजोबांनी त्याला पाठवले होते .आणि आम्ही मामा भक्त झालो !

            माझ्या काही आठवणीत मामांनी दिवाणखान्यात आयोजिलेल्या भजन दिंडी ची आठवण .त्यावेळी तो भजन साथी साठी जायचा एकदा सगळं घर वाडा खाली होता मी अन मामा दोघेच ! कदाचित माझा तो पहिला सार्वजनिक कार्यक्रम असावा , आम्ही भजनं दिवाणखान्यात ठेवले , पाच पन्नास , शंभर लोकं आलेले ! समोर देवाची भजनं चालू अन मागे आपल्याकडे म्हशीचे दूध दवायला येणाऱ्या मामुनी आम्हाला देव दाखवले , चोरी केली ! सगळ्या जनावरांना मोकळे केले त्यांच्या नाकातल्या रस्या , बाहेरचे काही अवजारे डुंड्या , डवऱ्या चोरून नेल्या ! मग पडली मार ..... सगळे गडी घरी बसले ! शेतावर जायचे कसे हा प्रश्न पडला त्यांना ....

पोलीस हवालदार आला तो ही आम्हालाच बोलला तुम्ही घरी असतांना चोरी होतेच कशी ? एकंदारीत मामानी नन्तर कधी भजनाचे नाव काढले नसेल पक्के ! आमचा पहिला इव्हेंट असा निकाली निघाला !

मामा म्हणजे बाबीअगस्तीसाठी निरपेक्ष प्रेम ! त्यानं कधी कुठली अपेक्षा केली नाही . उलट " येणं खोलापूरला बिट्टया  करतो' हा उत्साह , तो गेल्या आठ धा वर्षापासून स्वतः लॉकडाऊन असतांना देखील , दाखवतो .परिस्थिती खराब असतांना त्याने कधी रडगाणे गायलेले मला आठवत नाहीत . आजही दाल बाटीची बिटट्या पार्टी पंगत अमरावतीकरांना त्याच्याकडून असतेच असते .खूप मोठ्या मनाचा मामा !

       आमच्या आईसाहेबांचं या त्यांच्या "चंदया'वर विशेष माया होतीच . तसं खूप कष्टीक जीवन जगलेल्या या मामाला ईश्वराने घरी बसवले याचे खूप वाईट वाटते ... आता वॉकर नी घरातल्या घरात फिरतो म्हणाला !

             निरलस प्रेम कसं करावं त्याच्याकडून शिकावं . आणि त्याला साथ मिळाली स्वातीमामीची ! अगदी त्यांचा तर तो "बबड्या 'च लाडाचा नवरा ! जे पाहिजे ते, जसं पाहिजे तसं ! दोघांची केमिस्ट्री का काय म्हणतात ती इतकी जुळलेली आहे . ...अगदी आयुष्यभर ज्या विडी न त्याचा घात केला , घरातील सगळ्यांचा तिरस्काराचा विषय .... आता तब्यत *अशी* असतांना सुद्धा मामी त्याचे विडीचे सुद्धा लाड पुरवतात !! *लाडाचो नवरो ..*
         
           स्वातीमामीच सुद्धा आयुष्य कष्टात गेले , जात आहे , आणि प्रचंड त्रासात ही वास्तविकता ! मात्र तशातही तुरु तुरु कार्यरत होतात स्वागत , आव भगत करतातच अन तेही हसत हसत ! आजच्या मुला मुलींना हे घेण्यासारखे आहे ....

         या वाढदिवसाच्या निमित्ताने मामाचं अन त्याच्यामुळे मामीचं लॉकडाऊन बालाजीराया खतम कर हिच प्रार्थना करतो आणखी काय ?


अगस्ती

पोहणेरकर सर अनिव्हर्सरी शुभेच्छा

*शुभेच्छा कवीला अन हक्काच्या श्रोत्याला सुद्धा .....*

समर्थ रामदास कवीचं कौतुक लिहिताना कवेश्वर स्तवनात लिहितात

आतां वंदूं कवेश्वर |
शब्दसृष्टीचे ईश्वर |
 नातरी हे परमेश्वर |
      वेदावतारी ||

कीं हे शब्दरत्नाचे सागर |
कीं हे मुक्तांचें मुक्त सरोवर |
नाना बुद्धीचे वैरागर |
निर्माण जाले ।।

     वेदातील अफाट शब्दसृष्टी पाहून, कवी त्या वेदाचे अवतारच वाटतात. किंवा कवी म्हणजे वेदावतारी परमेश्वरच होत.
               शब्दरुप रत्नाचे सागर, अंतःकरण सरोवरात मुक्तपणे विहारणारे काव्यरुप मुक्तपुरुष, नाना प्रकारचे बुद्धीचे खेळ खेळणारे वैरागर ते हे कवी होत.

     *कवीचे कोण कौतुक बघा ! आणि प्रत्येक जण शत प्रतिशत सहमत असणारच .....*

समर्थ तत्पूर्वीच श्रोते स्तवनही लिहितात !

तुम्ही श्रोते जगदीशमूर्ति | तेथें माझी वित्पत्ती किती | बुद्धिहीन अल्पमती | सलगी करितों |
किं हे ऋषेश्वरांची मंडळी | शांतस्वरूप सत्वागळी | जयांचेनि सभामंडळीं | परम शोभा ||

                  कवी कितीही हुशार असेल , *समोर श्रोता नसला तर त्याच्या कविता व्यर्थ आहेत !* ऐकणारा श्रोता तर हवाच ना , तोच काव्य सभेचा परम शोभा म्हणावा .....

              आमच्या  कवीमित्रानी  आजच्याच दिवशी 29 वर्षांपूर्वी हक्काचा श्रोता घरी आणला  !

         प्रा विजय पोहणेरकर यांनी आजच्या दिवशी हहहे अंजु अशा आपल्या खास स्टाइलनं  आवाज देऊन आपल्या कवितेवर पहिली दाद अंजूची घेतली ! हा श्रोताही ज्ञानी निघाला ...त्याची दाद अखंड अन निर्विवाद  राहिली , आम्हाला कवीमित्र  मिळाला ...कविता मिळाल्या !! मिळत राहोत अनेकानेक वर्ष .... म्हणून
     
    प्रा विजय पोहणेरकर सर अन सौ अंजुवहिनी लग्नगाठीच्या अगणित शुभेच्छा

- मंगलमुर्ती शास्त्री  - सौ मीनल
- अजित वझरकर-सौ शुभांगी