सतीश नारखेडे अस्सल मित्रत्व

सतीश नारखेडे
जया वहिनी
मित्र करायला
एकदम ऑरगॅनिक जोडी !
सेंद्रियच !!
एकदम ओरिजिनल ,
निखळ मित्रत्व
कुठलीही भेसळ नाही !
त्या दोघांचीही केमिष्ट्री अशी जमलीय ,
जसं पाण्यातलं ऑक्सिजन , हायड्रोजन !!
एक असं रसायन
जे रासायनिक नाही !!!
उगाच खोटी प्रतिष्ठा नाही
का उगाच खोटे अवसान नाही .
जे काही असेल ते शुभ्र नि स्वच्छ !
कुणाला दुखवणे नाही ,
कुणाला जिंकवणे नाही ...
कुणाला हरवणे नाही !
कुटुंब वत्सल ,
आम्हा सहनिवासींचे आधारवड ,
सतीश सर -जया वहिनी
यांना लग्नगाठीच्या खूप खूप शुभेच्छा !

 - मंगलमुर्ती शास्त्री
 -सौ मीनल

पोहणेरकर सर अंनिव्हर्सरी

शुभेच्छा कवीला अन श्रोत्याला सुद्धा
समर्थ रामदास कवीचं कौतुक लिहिताना कवेश्वर स्तवनात लिहितात


आतां वंदूं कवेश्वर |
शब्दसृष्टीचे ईश्वर |
    नातरी हे परमेश्वर |
        वेदावतारी ||

कीं हे शब्दरत्नाचे सागर |
कीं हे मुक्तांचें मुक्त सरोवर |
नाना बुद्धीचे वैरागर | निर्माण जाले ।।

     वेदातील अफाट शब्दसृष्टी पाहून, कवी त्या वेदाचे अवतारच वाटतात. किंवा कवी म्हणजे वेदावतारी परमेश्वरच होत.
               शब्दरुप रत्नाचे सागर, अंतःकरण सरोवरात मुक्तपणे विहारणारे काव्यरुप मुक्तपुरुष, नाना प्रकारचे बुद्धीचे खेळ खेळणारे वैरागर ते हे कवी होत.

कवीचे कोण कौतुक बघा ! आणि प्रत्येक जण शत प्रतिशत सहमत असणारच .....

समर्थ तत्पूर्वीच श्रोते स्तवनही लिहितात !

तुम्ही श्रोते जगदीशमूर्ति | तेथें माझी वित्पत्ती किती | बुद्धिहीन अल्पमती | सलगी करितों |
किं हे ऋषेश्वरांची मंडळी | शांतस्वरूप सत्वागळी | जयांचेनि सभामंडळीं | परम शोभा ||

                  कवी कितीही हुशार असेल , समोर श्रोता नसला तर त्याच्या कविता व्यर्थ आहेत ! ऐकणारा श्रोता तर हवाच ना , तोच काव्य सभेचा परम शोभा म्हणावा .....

आमच्या  कवीमित्रानी  आजच्याच दिवशी 29 वर्षांपूर्वी हक्काचा श्रोता घरी आणला  !

   प्रा विजय पोहणेरकर यांनी आजच्या दिवशी हहहे अंजु आवाज देऊन आपल्या कविता वर पहिली दाद अंजूची घेतली ! हा श्रोताही ज्ञानी निघाला ...त्याची दाद अखंड अन निर्विवाद  राहिली , आम्हाला कवीमित्र  मिळाला ...कविता मिळाल्या !! मिळत राहोत अनेकानेक वर्ष .... म्हणून
      
    प्रा विजय पोहणेरकर सर अन सौ अंजुवहिनी लग्नगाठीच्या अगणित शुभेच्छा

- मंगलमुर्ती शास्त्री
- सौ मीनल शास्त्री